Ya Ilahi Har Jagah Teri Ata Ka Sath Ho | Lyrics | Dua

Ya Ilahi Har Jagah Teri Ata Ka Sath Ho
Jub Pade Mushkil Shahe Mushkil Kusha Ka Saath Ho
 
Ya Ilahi Bhool Jawu Naza-Ki Takleef Ko
Shaadiye deedare Husne Mustafa Ka Saath Ho
 
Ya Ilahi Gor Teera Ki Jab Aayeh Sakht Raat
Unke Pyaare Moonh Ki Subha Jaa Fiza Ka Saath Ho
 
Ya Ilahi Jub Padre Mahshar Me Shore Daar-o-Geer
Amn Dene Waale Pyaare Peshwa Ka Saath Ho
 
Ya Ilahi Jub Zabaane Baahar Aayey Pyaas Se
 Saahib-e-Kausar Sha-e Jood-o-ataa Ka Saath Ho
 
Ya Ilahi Sard-e-Mehri Par Ho Jab Khurshid-e-Hashr
Sayyad-e-Besaaya Ke Zille-e-Liwaa Ka Saath Ho
 
Ya Ilaah Garmi-e-Mahshar Seh Jub Bharke Badan
Daaman-e-Mahboob Ki Thandi Hawaa Ka Saath Ho

Ya Ilaahi Nama-e-A-maal Jub Khulne Lage
Aib-e-Pooshe Khalq Sat-taare Khata Ka Saath Ho
 
Ya Ilaahi Jub Bahe Aankhe Hisaab-e-Jurm Me
Un Tabassum rez-e-honto ki Dua ka Saath Ho
 
Ya Ilahi Jub Hisaabe Khanda-e-Bejaa Rulaaye
Chashme Giryaane Shafi-e-Murtaja Ka Saath Ho
 
Ya Ilahi Rang Laayi Jab Meri Be Haaqiyah
Unki Neechi Neechi Nazro Ki Hayaa Ka Saatho Ho
 
Ya Ilahi Jub Chalo Tareekh Raahe Pul Siraate
Aftaab-e-Haashmi Noorul Huda Ka Saath Ho
 
Ya Ilaahi Jub Sare Shamsheer Par Chalna Pare
Rabbe Sallim Kehne Waale Ghamzudah Ka Saath Ho
 
Ya Ilahi Jo Dua-e Nek Hum Tujhe Se Kare
Qudsiyo Ke Lub Se Aameen Rab-bana Ka Saath Ho
 
Ya Ilahi Jub Raؔza Khaab-e-Giraa Se Sar Uthaa-e
Daulat-e-Bedaar Ishk-e-Mustafa Ka Saath Ho