Eid-ul-Adha/Eid ke dino me hum jo Takbeer e Tashreeq padhte hain – “Allahu Akbar, Allahu Akbar, Laa Ilaaha Illallahu Wallahu Akbar, Allahu Akbar Wa Lillahil Hamd” – in kalmaat ka asal pehlu kya hai? Kya aap jante hain ke yeh kalmaat kaise shuru hue? Ayiye is blog me maloom karte hai.
Takbeer e Tashreeq kya hai?
Yeh ek khas zikr hai jo Eid ul Adha ke dino me musalmaan 9 Zilhijjah (Yawm-e-Arafah) ke Fajr se le kar 13 Zilhijjah ke Asr tak har farz namaz ke baad ek saath buland awaz se padte hain. Is takbeer ke lafz hain:
Allahu Akbar, Allahu Akbar, Laa ilaaha illallahu Wallahu Akbar, Allahu Akbar wa Lillahil Hamd.
Takbeer e Tashreeq ka Matlab (Tarjuma)
Allahu Akbar, Allahu Akbar,
Allah sabse bada hai, Allah sabse bada hai.
Laa ilaaha illallahu Wallahu Akbar,
Koi maabood nahi siwaye Allah ke, aur Allah sabse bada hai.
Allahu Akbar wa Lillahil Hamd.
Allah sabse bada hai, aur saari tareef Allah ke liye hai.
Takbeer e Tashreeq ka Waqya (Background)
Imam Nasafi likhte hain ke jab Hazrat Jibreel Ameen dumbe (ram) ko le kar aasmaan se neeche utar rahe the, us waqt Hazrat Ibrahim Alaihis Salaam ne ek aahat mehsoos ki. Aapne turant aankhon par lagi patti hatayi, aur dekha ke Jibreel Ameen ek dumba le kar aa rahe hain.
Yeh dekh kar Hazrat Ibrahim (A.S) ko ye khayal aaya ke:
“Shayad meri qurbani qubool nahi hui. Shayad Allah ﷻ ne Jibreel ko is liye bheja hai ke main Ismail ko qurbaan na karu, balki is dumbe ko qurbani ke liye istemal karun.”
Is afsos aur jazbaat ke aalam me, Hazrat Ibrahim (A.S) ne kaha:
“Allahu Akbar, Allahu Akbar”
(Allah sabse bada hai, Allah sabse bada hai.)
Phir Hazrat Jibreel Ameen Ne Kaha:
“Laa Ilaaha Illallahu Wallahu Akbar”
(Koi maabood nahi siwa Allah ke, aur Allah hi sabse bada hai.)
Aur Jab Hazrat Ismail (A.S) Ne Ye Kalmaat Sune:
Toh unhone bhi kaha:
“Allahu Akbar Wa Lillahil Hamd”
(Allah sabse bada hai, aur Allah hi ke liye sab tareef hai.)
In Kalmaat Ki Taqdees Aur Shaan
Allah Ta’ala ko yeh teen kalmaat itne pasand aaye ke unhe Eid-ul-Adha ke ayaam (10th to 13th Zilhijjah) me rozana takbeeraat ki surat me padhe jaane ka hukm de diya gaya.
Tafseer-e-Nasafi Vol-3, Page No. 26
Takbeer e Tashreeq ki Fazilat
Takbeer-e-Tashreeq sirf kuch lafzon ka zikr nahi, balki yeh ek azeem ibadat hai jo Qurbani aur Tawheed/Imaan ki rooh ko zinda karti hai. Iski fazilat Qur’an, Sunnat aur Salaf ke aqwaal se sabit hai. Neeche iske chand roohani aur ilmii pehlu bayan kiye gaye hain:
1. Sunnat-e-Ibrahim (Alaihissalam) Ki Yaad
- Takbeer-e-Tashreeq asal mein Hazrat Ibrahim (Alaihissalam) aur Hazrat Ismail (Alaihissalam) ki qurbani ki yaad hai.
- Jab Ibrahim (Alaihissalam) ne “Allahu Akbar” kaha, Jibreel ne “Laa ilaaha illallah…” aur Ismail (Alaihissalam) ne “Allahu Akbar wa Lillahil Hamd” kaha — toh Allah Ta’ala ko yeh kalmaat itne pasand aaye ke qayamat tak ke liye yaadgaar bana diye.
2. Qur’an Se Ishara (Surah Al-Hajj, 22:28)
“…taake log Allah ka zikr karein un dinon me jo Allah ne unke liye muqarrar kiye…”
Mufassireen ke mutabiq yeh Ayaam-e-Tashreeq ke din hain — jisme Takbeer padhne ka hukm hai.
3. Nabi Kareem ﷺ Ka Amal
● Hazrat Ali (R.A) farmate hain:
“Nabi ﷺ 9 Zil Hijjah ke Fajr se lekar 13 Zil Hijjah ke Asr tak har farz namaz ke baad Takbeer padhtay thay.”
📚 (Ibn Abi Shaibah)
4. Ijma (Consensus) Hai Is Amal Par
- Sahaba, Tabi’een aur Aslaf sab ka ijma’ hai ke Takbeer-e-Tashreeq ek masnoon amal hai, jo rozana farz namazon ke baad padhna chahiye in khaas dinon me.
- Charo Imam Imam Abu Hanifa, Imam Malik, Imam Shafai, aur Imam Ahmad ibn Hanbal — sab is amal ke qail hain, mante hai.
5. Har Farz Namaz Ke Baad Zikr Ka Sawab
- Har takbeer na sirf ek sunnat hai, balki zikrullah hai — jo insaan ke gunahon ka kaffara, darajat ki bulandi, aur Allah ke qurb ka zariya ban jata hai.
- Har bar jab aap takbeer kehte hain, aap us azeem waqiya-e-qurbani ki yaad taza karte hue Allah ki wahdaniyat aur Tawheed ko Tasleem karte ho.
6. Shaytaan Ko Ruswa Karna
- Takbeer ke zariye hum Shaytaan ke usi chall ko nakaam banate hain jisme usne qurbani se rokne ki koshish ki thi.
- Ye kalmaat uski nafrat aur hasad ke muqable me imaani ghusa aur tawheed ka nara hain.
Takbeer e Tashreeq Kab Padhe?
Takbeer-e-Tashreeq ko har Farz Namaz ke baad padna wajib hai, lekin sirf ek muqarrar waqt ke dauran:
1. Waqt Ki Muddat (Duration):
- 9 Zil Hijjah ke Fajr se le kar 13 Zil Hijjah ke Asr tak
- Total: 5 Din (9, 10, 11, 12, 13 Zul Hijjah)
- Aur 23 Farz Namazein
2. Kis Namaz Ke Baad Padhein?
- Sirf Farz (obligatory) namazon ke baad
- Chahe namaz tanha padh rahe ho ya jama’at mein
- Mard aurat, musafir ya muqeem – sab ke liye wajib
3. Kaise Padhein?
Har farz namaz ke baad ek martaba buland awaaz mein wajib hai 3 baar padhna mustahab hai:
“Allahu Akbar, Allahu Akbar, Laa ilaaha illallahu wallahu Akbar, Allahu Akbar wa lillahil hamd.”
4. Ijma (Consensus) Hai Is Amal Par
- Sahaba, Tabi’een aur Aslaf sab ka ijma’ hai ke Takbeer e Tashreeq ek masnoon amal hai, jo rozana farz namazon ke baad padhna chahiye in khaas dinon me.
- Charo Imam Imam Abu Hanifa, Imam Malik, Imam Shafai, aur Imam Ahmad ibn Hanbal — sab is amal ke qail hain, mante hai.
5. Har Farz Namaz Ke Baad Zikr Ka Sawab
- Har takbeer na sirf ek sunnat hai, balki zikrullah hai — jo insaan ke gunahon ka kaffara, darajat ki bulandi, aur Allah ke qurb ka zariya ban jata hai.
- Har bar jab aap takbeer kehte hain, aap us azeem waqiya-e-qurbani ki yaad taza karte hue Allah ki wahdaniyat aur Tawheed ko Tasleem karte ho.
6. Shaytaan Ko Ruswa Karna
- Takbeer ke zariye hum Shaytaan ke usi chall ko nakaam banate hain jisme usne qurbani se rokne ki koshish ki thi.
- Ye kalmaat uski nafrat aur hasad ke muqable me imaani ghusa aur tawheed ka nara hain.
Aam Sawalat (FAQs)
– Jazakallahu Khair / جزاک اللہ خیر –
Aapki Raaye Hamare Liye Aham Hai!
Agar aapko yeh Mazmoon pasand aaya ho ya aapke dil mein koi sujhaav ho, toh neeche comment zaroor karein. Aapka feedback humein behtar content banane mein madad karta hai.
Dosto ke saath bhi share karna na bhoolen!
Shukriya!
