Shor e Mah e Nau Sun Kar Tujh Tak Mai Dawan Aaya
Saaqi Mai Tere Sadqe Mey Dey Ramadan Aaya
Is Gul Ke Siwa Har Phool Ba-Gos e Gira’n Aaya
Dekhe Hi Gi Aye Bulbul Jab Waqt Fugha’n Aaya
Jab Baam e Tajalli Par Wo Nayyar e Jaan Aaya
Sar Tha Jo Gira Jhuk Kar Dil Tha Jo Tapa Aaya
Jannat Ko Haram Samjha Aate To Yaha Aaya
Ab Tak Ke Har Ek Ka Munh Kahta Hu Kaha Aaya
Tayba Ke Siwa Sab Baugh Pa-Maal e Fana Honge
Dekhoge Chaman Walo Jab Ahad e Khaza’n Aaya
Sar Aur Wo Sang e Dar Aankh Aur Wo Bajm e Noor
Zalim Ko Watan Ka Dhayan Aaya To Kaha Aaya
Kuchh Naat Ke Tabqey Ka Alam Hi Nirala Hai
Saktah Me Padi Hai Aqal Chakkar Me Guma’n Aaya
Jalti Thi Zameen Kaisi Thi Dhoop Kadi Kaisi
Lo Wo Qad e Be-Saaya Ab Saaya Kuna Aaya
Tayba Se Hum Aate Hai Kahiye To Jina’h Walo
Kya Dekh Ke Jeeta Hai Jo Waa’n Se Yaha Aaya
Le Toq e Alam Se Ab Azaad Ho Aye Qumri
Chit’thi Liye Bakhshish Ki Wo Sarwe Rawa Aaya
Naama’h Se Raza Ke Ab Mit Jao Bure Kaamo
Dekho Mere Palle Par Woh Achche Miya Aaya
Bad-kaar Raza Khush Ho Bad-kaam Bhale Honge
Wo Achche Miya Pyara Achcho Ka Miya Aaya
Kalam:
Ala Hazrat Imam Ahmed Raza Khan
اردو
شور ماہِ نو سن کر تجھ تک میں دَواں آیا
ساقی میں تیرے صدقے مئے دے، رمضان آیا
اس گل کے سوا ہر پھول بگوشِ گراں آیا
دیکھے ہی گی اے بلبل جب وقتِ فغاں آیا
جب بامِ تجلی پر وہ نیرِ جاں آیا
سر تھا جو گرا جھک کر دل تھا جو تپاآیا
جنت کو حرم سمجھا آتے تو یہاں آیا
اب تک کے ہر ایک کا منہ کہتا ہوں کہاں آیا
طیبہ کے سوا سب باغ پامالِ فنا ہوں گے
دیکھو گے چمن والو جب عہدِ خزاں آیا
سر اور وہ سنگِ در، آنکھ اور وہ بزمِ نور
ظالم کو وطن کا دھیان آیا تو کہاں آیا
کچھ نعت کے طبقے کا عالم ہی نرالا ہے
سکتہ میں پڑی ہے عقل، چکر میں گماں آیا
جلتی تھی زمین، کیسی تھی دھوپ، کڑی کیسی
لو وہ قدِ بے سایہ، اب سایہ کناں آیا
طیبہ سے ہم آتے ہیں، کہیے تو جناں والو
کیا دیکھ کے جیتا ہے جو وہاں سے یہاں آیا
لے طوقِ الم سے اب آزاد ہو اے قمری
چٹھی لیے بخشش کی وہ سروِ رواں آیا
نامہ سے رضا کے اب مٹ جاؤ برے کامو
دیکھو میرے پَلّے پر وہ اچھے میاں آیا
بدکار رضا خوش ہو، بدکام بھلے ہوں گے
وہ اچھے میاں پیارا، اچھوں کا میاں آیا
