Sartaba Qadam Hai Tan e Sultan e Zaman Phool
Sartaba Qadam Hai Tan e Sultan e Zaman Phool
Lab Phool,Dahan Phool, Zaqan Phool, Badan Phool
Sadqe Me Tere Baagh To Kya Laye Hai ¹Ban Phool
Is Guncha’h e Dil Ko Bhi To Imaa Ho Ke ²Ban Phool
Tinka Bhi Hamare To Hilaye Nahi Hilta
Tum Chaho To Ho Jaye Abhi Koh e Mahan Phool
Wallah Jo Mil Jaye Mere Gul Ka Pasina
Maange Na Kabhi Atar Fir Chahe Dulhan Phool
Dil Basta’h wa Khoo’n Gashta Na Khushbu Na Latafat
Kyu Guncha’h Kahu Hai Mere Aaqa Ka Dahan Phool
Shab Yaad Thi Kin Daanto Ki Sabnam ki Dam Subah
ShowKhaan Bahari Ke Jadao Hai Kiran Phool
Dandaan wa Lab wa Zulf wa Rukh Shaah Ke Fidai
Hai Durr e Adan, Laal e Yaman, Mushk e Khutan Phool
Bu Ho Ke Niha Ho Gaye Taab e Rukh e Shah Me
Lu Ban Gaye Hai Ab To Haseeno Ke Dahan Phool
Hun Baar Gunah Se Na Khijl Dosh e Azeeza’n
Lillah Meri Na’as Kar Aye Jaane Chaman Phool
Dil Apna Bhi Shaidai Hai Us Nakhoon e Paa Ka
Itna Bhi Mahe Naw Na Aye Charkh e Kuhan Phool
Dil Khol Kar Khoo’n Ro Le Gham e Ariz e Sha’h Me
Nikle To Kahi Hasrat Khoo’n Naba Shadan Phool
Kya Gaza Mala Gard e Madina Ka Jo Hai Aaj
Nikhre Hue Joban Me Qayamat Ki Phaban Phool
Garmi Ye Qayamat Hai Ki Kaante Hai Jubaan Par
Bulbul Ko Bhi Ae Saaqi e Sahba wa Luban Phool
Hai Kaun Ki Giryah Kare Ya Fatiha Ko Aaye
Bekash Ke Uthaye Teri Rahmat Ke Bharan Phool
Dil Gham Tujhe Ghere Hai Khuda Tujh Ko Wo Chamkaye
Suraj Teri Khirman Ko Bane Teri Kiran Phool
Kya Baat Raza Us Chamanistaan e Karam Ki
Zahra Hai Kali Jis Me Husain Aur Hasan Phool
Listen this Kalaam in voice Ashiq e Raza Owais Raza Qadri ▼♥
See more:
