Rasoolallahﷺ ki Kuchh Aadat e Mubarakah,
Science & Medical Benefits
 |
| Rasoolallahﷺ ki Sunnate’n in view of Science & Medical Benefits |
Subah Jaldi Uthna
Rasoolallahﷺ subah
bohat jald uth jaya karte the balkay aisi koi riwayat nahi millti ke aapﷺ
ki tahajjud bhi kabhi qaza hui ho.
Sooraj nikalne se kuch waqt qabl
aur ek ghanta baad tak ka waqt oxygen se bharpoor waqt hota hai.
Aaj scienci tehqeeq ki bunyaad
par bhi sehat ke aitbaar se 24 ghanton me yeh behtareen waqt hota hai ke jis me
aapko ziyada se ziyada oxygen laine ka mauqa milta hai jo ke apkee sayhat mand
zindagi ke liye ek behtareen mufeed amal hai.
Aankhon Ka Massage
Subah neend se uthnay ke baad rasoolallahﷺaankhon
ka massage farmaya karte the .
Body ka poora nizaam gayarah(11)
system par mushtamil hota hai.
Neend se uthne ke baad yeh system
bahaal hone me 11 se 12 minute laita hai.
Agar aap aankhon ka massage karte
hain to yeh system 10 se 15 second me foran bahaal ho jata hai .
Bistar Par Kuch Der Baithy Rehna
Rasoolallahﷺ bistar se uth kar
kuch der baithe rehte the aur mamool tha ke 3 dafaa Surah Ikhlaas padhte the ke
jis ko padhne me taqreeban 1 minute sirf hota hai.
Aaj medical science batati hai ke
hamare dimagh me ek capillary hai ke jisske ek hissay se dosray hissay ke liye
blood ke liye ek pul(Bridge) bantaa hai.
Is tarah is pul ke zariye se hi
hamare pooore dimagh ko blood ki supply bahaal hoti hai ke jahan se hamare
tamam tar asaab yani poora jism ko control hona hota hai.
Agar koi shakhs subah bedaar hone
par achanak uth kar chal de ke jabkay abhi brain me blood ki supply bahaal nahi
hui to is shakhs ko yahan Brain Hemorrhage ho sakta hai ya woh brain ke kai doosre
paicheeda masail ka shikaar ho sakta hai ke jis me achanak jism ke kayi hisson
ka maflooj hona ( faalij ) bhi shaamil hai.
Jabkay agar woh sirf ek minute
betha rahe ke uskay dimagh me blood ki supply bahaal ho sake to bohat se
paicheeda masail se bach sakta hai.
Yeh baqaida ek science hai aur is
ek hadees mubarikah ke peechay bohat se professor doctors ki reserch shaamil
hai ke jis me ghair muslim researchers ne bhi ittafaq kya hai ke hame Muhammadﷺki is
sunnat ke mutabiq subah uthne ke baad bistar par kuch der baithe rehna chahiye.
Uska faiyda yeh hai ke dimagh poori
terhan se active ho kar hamare jism ki bharpoor rahnumai ke qabil ho jata.
Yeh Sunnat Mubarikah jahan bohat
bada ajar o sawab hai wahan sehat ka bohat bada raaz(secret) bhi hai.
Qelula Karna
Aapﷺ ki aadat mubarikah thi ke dopehar ke
khanay ke baad ek ghari ke liye ( 20 se 25 minute ) aapﷺ lat(laying)
jaya karte the.
Uska faiyda yeh hai ke taqreeban
68 % afraad me jab woh lunch karte hain to inka maida thori miqdaar me alchohal
peda karta hai.
Aisay me agar insaan chal phir
raha ho to woh chakra kar gir sakta hai, ya is par khumar(chakkar jaisa) ki si
kaifiyat taari ho sakti hai.
Yahi sabab hai ke aap hamesha dopehar ke khanay(lunch) ke
baad aapnee aap ko thora bo-jhal(thaka hua) sa mahsoos karte hain.
Agar hum kuch der late jayen to
alchohal se peda hone wale khumar ka zehen par ziyada dabao nahi aaye ga aur
woh body functions ke liye zayada fa-aal(kaam-gar) rahega aur hum kisi bhi tarah
ke haadse se bach sakenge.
Uskay ilawa bhi is sunnat
mubarikah par amal na karne ki soorat me bohat se sehat ke masail ka khadsha
rehta hai.
Chunkay yeh baat aaj tehqiqaat se
saabit shuda hai isliye duniya bhar ke mumalik me 1 se 2 ya 3 buje tak dopahar
ka waqfa kya jata hai taakay log lunch ke baad kuch qelola kar saken.
Aaj poora europe Rasoolallahﷺ ki sunnat ko amlan apnaaye hue hai aur poooray europe me
dopehar 1 se 3 bujey tak ka waqfa hota hai. Unhon ne sunnat e Rasoolallahﷺ
par reserch ki, apnaaye aur hum se kai behtar sehat ka ma’ayaar(standard) rakhte
hain.
Khane se Pahle Phal(fruit) Nosh(khana)
farmana
Rasoolallahﷺ khana
khane se pehle fruit nosh farmaya karte the.
Mukhtalif phalon me 90 se 99 %
tak pani ki miqdaar hoti hai aapﷺ ne chunkay khana khanay ke baad pani peene se mana farmaya hai
jabkay khanay se qabal pani peenay ki targheeb dilai hai.
Is liye mukhtalif phal bhi
chunkay pani ki bohat ziyada miqdaar rakhtay hain is liye unko khane se pehlay
khane se jism aur khaas tor par maida aur anton ko tawanai(energy) millti hai.
Kyunkay khane ko hazam karne me
maida aur anton ka bohat ahem kirdaar hota hai aur yeh amal unki karkardagi
badhaane me unkay liye madadgaar saabit hota hai. Aur yeh baat bhi scienci mushhidaat
se saabit shuda hai. Fruit me maujood gaza’iat se khaali maida ko ziyada faida
hota hai.
Ghiza ke Baad Pani na Peena
Rasoolallahﷺ kabhi
bhi khanay ke baad pani nahi peete the.
Aaj ilm o tehqeeq se jo baatein samne
aai hain un se pata chalta hai ke is sunnat mubarikah par amal na karne ke
isqadr nuqsanaat hain ke gumaan bhi nahi kiya ja sakta.
Jab hum khane ke baad pani peete
hain to khane me jis qadr bhi fats hotay hain woh khanay se nikal kar maide(stomach)
ke oopar walay hissay ki taraf aajate hain.
Baqi khana hazme ke doosre marhale(step)
ke liye chhoti aant(small intestine) me chala jata hai aur is tarah maide me
reh jane wala fats aur protein maide ke
andar intehai nuqsaandah gases paida karte hain jabkay un sab ko khanay kay
sath mix ho kar nizaam inhezaam(Digestive System) ke agle marhale me jana tha.
Hum ne pani pi liya ya fruit kha liya to yeh hamari sehat ki barbadi ke liye
maide hi me reh gaye.
Ek Hadees e Rasoolallahﷺ
ka mafhoom hai ke agar khana kha laine ke baad pani ki haajat(jarurat) ho to sirf
chand ek ghoont le lo aur uskay baad roti ka ek luqmah kha lo.
Japani research hai ke khane ke
baad pani peene se jo fats oopar aa rahe the aur aap ne jo baad me luqmah kha
liya to fats ke oopar ane ka silsila na sirf wahin ruk jata hai balkay woh
dobarah ghiza ka hissa ban jate hain.
Isliye khana khanr ke baad pani
hargiz nahi peena chahiye ke jo pait me na sirf gases, tezabiyat, badd-hazmi ka
baai(reason) bante hain balkay bohat se dil ke amraaz ka ta’alluq(connection)
bhi isi sunnat mubarikah par amal na karne ke sabab se hi hai.
 |
| Digestive System of Human Body |
Wudu
Hum din me paanch farz namazon ke
liye kam az kam paanch baar wudu karte hain kyunkay wudu ke baghair namaz nahi
hoti aur mun, naak, haath, baazu, sir aur paon dhule’n baghair wudu nahi hota.
Yani din me paanch baar hum jism ke in tamam aa’za(parts) ko dhote hain.
Wudu me hum jism ke tamam zahiri
aaza dhotay hain ke jin par mitti aur carbon lag jati hai.
Aaj scienci mushahidaat yeh baat
saabit karte hain ke jism ke jin aaza par matti ya carbon lag jati hai to agar
un ko saaf na kiya jaye aur woh jism ke is hissay par ziyada der lagey rahen to
un aaza aur dimagh ka conection kamzor ho jata hai. Yani jism ka aasabi nizaam(Nervous
System) kamzor ho jata hai.
Chunkay woh musalsal dimagh ko
yeh pegham bhaij rahay hotay hain ke jism par koi cheez aa gai hai aur uski
saafai ka ihtimaam kiya jaye.
Agar 1 shakhs subah munh(face)
dhota hai aur uske baad shaam me aakar dhota hai to uske aaza aur dimagh ka ta’alluq
kamzor par jata hai ke jis se baad me woh bohat se aasabi masail ka shikaar ho
sakta hai.
Islam kam az kam din me paanch
baar apke aaza ki safai ka band-o-bust karta hai aur Jumuah ke roz Nakhoon, Zair
e Naaf aur Baghlo(pits) ke ghair zaroori baal katne ke sath mukammal safai ka
ihtimaam karta hai isi liye Jumuah ka ghusal har musalman par wajib hai.
 |
| Wuzu karne ka Tariqah |
Rasoolallahﷺ ne
na sirf aisa karne ka hukm farmaya hai balkay yeh sab aap ﷺ ki
sunnat mubarikah ka hissa bhi hai.
 |
| Nervous System of Human Body |
Jald Sona
Rasoolallahﷺ ki ek aur aadat
mubarikah yeh bhi thi ke aapﷺ
raat ko jald so jaya karte the. Amuman aapﷺ namaz Isha ke foran baad so jate the. Yani
raat jald sona aur subah jald uthna aap
ﷺ ke ma’mulaat(routins) me shaamil tha.
Hamari biological watch jo ke hamare
pooore jism ke nizaam ko munazzam karti hai jab yeh bahar andhera dekhati hai
to yeh apke jism ko sonay ka signal day deti hai jism ko tayari ke liye yeh
daidh (1 & half hour) se do 2 ghante ka time deti hai ke is waqt tak aapko
laazmi sona hai.
Note kijiye ke namaz maghrib aur
namaz esha me bhi taqreeban itna hi daurania(time) hota hai.
Uska faiyda yeh hota hai ke apke
jism ke andar biological watch ke tehat ek Doctor jaag jata hai jo apke pooore
jism ki maintenance karta hai. Agar kahin zakham agaya hai wo usko repair karega.
Agar jigar ya kisi aur aaza me kuch mushkil hai to is par kaam kerega.
Balkay sone ke baad sab se pehlay
jigar par hi kaam hota hai aur jo jigar ke mareez hain unke liye yeh raye bhi
hai jahan woh apna ilaaj kar rahen hain woh apni jagah lekin apne neend ke
nizaam ko behtar kar ke apne jism ke Dr. ko ilaaj ka mauqa dijiye aur phir uske
fawaid(benefits) dekhieye.
Raat 10 baje se baara buje tak
jigar aur uskay ird gird ke aaza ki maintenance hoti hai aur uskay baad darja
ba-darja(step/rank by step/rank) pooore jism ki maintenance hoti hai aur yeh
amal rozana ki bunyaad par hota hai.
Allah Rabb-ul-Izzat ne hamare
jism me ek automatic nizaam rakha hai aur yeh nizaam tab kaam karta hai ke jab
aap jaldi sonay ki aadat apnate hain.
Zaman e Jahalat me arbo me ek
rivaaj tha ke raat ke khanay ke baad unke yaha shair o shaiyri aur dio malai
kahaaniyon ki mahfilen hoti theen jo raat gaye do baje tak chalti rehti theen
aur is mahol me Rasoolallahﷺ
ka raat jaldi sona bhi unkay nazdeek ek qabil aitraaz amal tha.
Yeh to Zamana e Jahalat tha lekin
aaj modern age ka davah karne wale hum musalmanoon ke yaha bhi der tak jaagne
ko na sirf qabil e aitraaz nahi samjha jata balkay kuch had tak to qabil e fakhar
bhi jana jata hai. Zamana e Jahalat ki mahfilon ki jagah aaj modern internet,
technology ne le li hai.
Lekin jaldi sona Rasoolallahﷺ ke ma’mulaat me tha kyun kay jism ke androoni Dr. ki
ifadiyat(benefits) se waaqif the aur yahi wajah hai ke poori hayaat mubarikah me
Rasoolallahﷺ ek lamhay ke liye bhi bemaar nahi hue.
Miswaak Karna
Rasoolallahﷺ miswaak ko bohat
pasand farmate the aur khusoosan din me paanch dafaa har namaz me wudu ke sath
to zaroor uska ehtimaam farmate the.
Uske ilawa bhi jab ghar tashreef
laate, kisi mahfil me haazri se pehle gharz mauqa be mauqa miswaak ka ehtimaam
karte aur miswaak ko bohat mehboob rakhte.
Hota yeh hai ke jab hum khana
khate hain to danto’n ke darmiyan khane ke kuch na kuch zar’raat zaroor rah jate
hain aur khane ke ek ghantay baad un me bacteria paida ho jati hain.
Mehsoos kijiyega ke daanto’n me
reh jane wale zar’raat 2 ghanto’n par naram ho jatay hain aur uski wajah yeh
bacteria hi hain.
Is liye hame kaha gaya hai ke
khane se pehle, baad, sone se pehle, baad miswaak ka ehtimaam kiya jaye. Warna
yeh apke heart attack ka bhi sabab ban sakta hai .
Aaj america aur maghribi mumalik me
subah uthte baghair daant mun saaf kiye khanay peenay ka rivaaj aam hai jo un me
tarah tarah ki bimariyon ka sabab ban raha hai.
Australia ki ek university me
heart attack ke 500 mareezon par reserch ki unhon ne jahan aur bohat si wajuhaat
bayan ki waheen ek common wajah yeh bhi samne aayi ke yeh log tooth brush karne
ke aadi(habit) na thi, jis ke sabab unke daanto’n me jama mail(gandagi) pait me
ja kar is qadar multiply hua ke woh heart ki arteries ko bock karne ka sabab
bani.
Unko heart attack ka asal sabab
unkay daanto’n ka mail tha jabkay hame Rasoolallahﷺ miswaak ki is had
tak talqeen farmai gayi ke ek mauqa par farmaya ke “Agar ummat par bhaari na
hota to me ummat par miswaak ko farz qarar de deta.”
Aaj ki modern science yeh saabit
kar chuki hai ke jin logon ko tooth brush ziyada karne ki aadat hoti hai unko
gussa kam aata hai aur woh aksar thanday mizaaj, pursukoon rehtay hain.
Jis shakhs ko ziyada gussa aata
ho, blood pressure aksar high rehta ho, tabiyat me be cheeni, to woh ziyada se
ziyada miswaak kiya kere do teen mah(month) hi me woh uskay heran kun mu’jizati
asraat payega.
Hafte me 2 Roza(Fast)
Rasoolallah ﷺke mamulaat me peer(Monday)
aur jumua’raat(Thursday) ka roza bhi shaamil tha aur aapﷺ ne in rozo’n ko
rakhnay ki targheeb bhi dilai. Yani ke hafte me 2 roze.
Rasoolallahﷺ ka
qaul mubarak hai ke “Musalman ek aant(Intestine) me khana khata hai jabkay
kafir teen aant me. Aur hame naseehat farmai ke jab khoob bhook lagey to khana
khao aur abhi bhook baqi ho to chore do .
Yeh amal aaj jadeed medical ki zubaan
me “Autophagia” kehlata hai.
Yeh insani jism ko sahatmand(Healthy)
rakhne ka bohat azeem raaz hai.
Hota yeh hai ke jab hum mamool ke
mutabiq apni zaroorat se ziyada khana khate rahte hain to jism me extra
protein, fats ikathe ho jatay hain jo ke jism ki zaroorat se zayed hone ke
sabab jism me zeher(poison) ka kirdaar ada karte hain aur mukhtalif bimarion ka
sabab bantay hain.
Aaj ki aam bemariyan sugar,
cholesterol aur blood pressure ka bunyadi sabab yahi extra fats hi hain.
Jab aapko bhook lagti hai to jism
ke “Hunger Juices” yani jism me khana hazam karne ka khud-kaar(automatic)
nizaam(system) poori tarah se tayyar ho jata hai.
Agar hum ne 100 luqmey khane the
magar sattar par haath rok liya to baqi tees luqmey jinki jism ko zaroorat thi
jism woh zarurat un extra protein aur fats ko kha kar poora karta hai.
Jism apne khudkaar nizaam
(Automatic System) ke tahat ikathe(ek saath) hone wale zaher ko khatam karta
rehta hai aur aap sayhat mand rahte hain.
Ab jab teen roz kuch kotahi ho
gayi aur aap ne peer ko roza rakh liya to din bhar ke taweel roze se “Autophagia”
ke amal ko active hone ka bharpoor mauqa milta hai aur teen roz ki kotahi ko woh
repair kar deta hai phir do roz ke mamulaat aur jumua’raat ka phir roza.
Jab yeh sunnat Rasoolallahﷺ
apke mamulaat ka hissa ban jati hai to bemari paida karne wale cell “Autophagia”
ka amal hafte me do baar dohraaye jane ke baais(reason) se bectaria ek saath
nahi ho paate aur aap sada sahat mand rahte hain.
Aaj hum scienci tahqiqaat par
bohat yaqeen rakhte hain, kya hum is intzaar me hain ke science Rasoolallahﷺ ki sunnat mubarikah ko proof kere to hum allah ke Rasoolallahﷺ
sunnato’n par amal karna shuru karenge. Musalmaan ke liye ye afzal hai jab bhi
koi sunnat par amal kare to suunat ki niyat se na ki medical benefits par.
Haqeeqat yeh hai ke science Rasoolallahﷺki sunnto’n
se bohat peechhe hai aur aapﷺ
ki saari Hayaat e Tayyiba, Sunnate’n hamare liye mash’al e raah (light of way)
hain aur unhi me hamare liye duniya o akhirat ki Qamiyabiy’an aur rahate’in
hain.
 |
| Surah Al-Ahzaab |
