Arshe Haq Hai Masnade Rifat Rasoolullah Ki
Dekhni Hai Hashr Me Izzat Rasoolullah Ki
Qabr Me Lehrayenge Ta Hasr Chashme Noor Ke
Jalwah Farma Hogi Jab Tal’at Rasoolullah Ki
Kafiro Par Taigh Wala Se Giri Barq e Gazab
Abr-e-Aasa Chha Gayi Haibat Rasoolullah Ki
La-Wa-Rabbil Arsh Jisko Jo Mila Unse Mila
Bat’ti Hai Kaonain Me Ne’mat Rasoolullah Ki
Wo Jahannum Me Gay Jo Unse Mustaghni Hua
Hai Khaleelullah Ko Haajat Rasoolullah Ki
Sooraj Ulte Paw Palte Chaand Ishaare Se Ho Chaak
Andhe Najdi Dekhle Qudrat Rasoolullah Ki
Tujhse Aur Jannat Se Kya Matlab Wahabi Door Ho
Hum Rasoolullah Ke, Jannat Rasoolullah Ki
Zikr Ro Ke Fazl Kaatey Nuqs Ka Jooyaa’n Rahe
Phir Kahe Mardak ke Hoon Ummat Rasoolullah Ki
Najdi Usne Tujhko Mohlat Di ke Is Alam Me Rahe
Kafir-o-Murtad Peh Bhi Rahmat Rasoolullah Ki
Hum Bhikaari Wo Kareem, Unka Khudaa Unse Fuzoo
Aur Naa Kehna Nahi Aadat Rasoolullah Ki
Ahle Sunnat Ka Hai Beda Paar Ashaabe Rasool
Najm Hai Aur Naav Hai Itrat Rasoolullah Ki
Khaak Hokar Ishq Me Araam Se Sona Mila
Jaan Ki Ikseer Hai Ulfat Rasoolullah Ki
Toot Jaayenge Gunaahgaro Ke Fawran Qaid-O-Band
Hashr Ko Khuljaaegi Taaqat Rasoolullah Ki
Ya Rabb Ek Saa’at Me Dhul Jaaye Siya’nkaro Ke Jurm
Josh Me Aajaaye Ab Rehmat Rasoolullah Ki
Hai Gul-e-Baagh-Qudus Rukhsaar-e-Zebaye Huzoor!
Sarwar-e-Gulzar-e-Qadam Qamat Rasoolullah Ki
Ae Raؔza Khud Saahibe Quraan Hai Maddahe Huzoor
Tujhse Kab Mumkin Hai Phir Mid’hat Rasoolullah Ki
اردو
عرشِ حق ہے مسندِ رفعت رسولُ اللہ کی
دیکھنی ہے حشر میں عزت رسول اللہ کی
قبر میں لہرائیں گے تا حشر چشمِ نور کے
جلوہ فرما ہوگی جب طلعت رسول اللہ کی
کافروں پر تیغ والا سے گری برقِ غضب
ابرِ آسا چھا گئی ہیبت رسول اللہ کی
لَا وَ رَبِّ العَرش جس کو جو ملا اُن سے ملا
بٹتی ہے کونین میں نعمت رسول اللہ کی
وہ جہنّم میں گیا جو اُن سے مستغنی ہوا
ہے خلیلُ اللہ کو حاجت رسول اللہ کی
سورج الٹے پاؤں پلٹے، چاند اشارے سے ہو چاک
اندھے نجدی دیکھ لے قدرت رسول اللہ کی
تجھ سے اور جنّت سے کیا مطلب، وہابی دُور ہو
ہم رسولُ اللہ کے، جنّت رسول اللہ کی
ذکر رو کے فضل کاٹے، نقص کا جویاں رہے
پھر کہے مردک کہ ہوں اُمّت رسول اللہ کی
نجدی! اُس نے تجھ کو مہلت دی کہ اِس عالم میں رہے
کافر و مرتد پہ بھی رحمت رسول اللہ کی
ہم بھکاری، وہ کریم، اُن کا خدا اُن سے فزوں
اور نہ کہنا نہیں عادت رسول اللہ کی
اہلِ سنّت کا ہے بیڑا پار اصحابِ رسول
نجم ہے اور ناو ہے عترت رسول اللہ کی
خاک ہو کر عشق میں آرام سے سونا ملا
جان کی اِکسیر ہے اُلفت رسول اللہ کی
ٹوٹ جائیں گے گناہگاروں کے فوراً قید و بند
حشر کو کھل جائے گی طاقت رسول اللہ کی
یا رب! ایک ساعت میں دُھل جائیں سیہ کاروں کے جرم
جوش میں آ جائے اب رحمت رسول اللہ کی
ہے گُلِ باغِ قُدُس رُخسارِ زیبائے حضور
سرورِ گلزارِ قدم قامت رسول اللہ کی
اے رضا! خود صاحبِ قرآں ہیں مدّاحِ حضور
تجھ سے کب ممکن ہے پھر مدحت رسول اللہ کی
Listen Kalam in Beautiful Voice
– Jazakallahu Khaira –
Aapka Jazbaat Hamare Liye Qeemati Hai
Agar aapko yeh paakiza kalam pasand aaya, toh apne dil ke ehsaasat aur raaye zaroor hum tak pohunchayein.
Har comment hamare liye himmat aur dua ka sabab hai.
Apni duaon mein yaad rakhein. Allah Ta’ala hum sabko apne Habib ﷺ ki sachi mohabbat naseeb farmaaye.
✨ Neeche apna feedback likhna na bhoolen!
Pingback: Lamyati Nazeero Kafi Nazarin | Lyrics | Kalam E Ala Hazrat